Մենք
Կովկասի ինստիտուտը քաղաքական հետազոտությունների կենտրոն է, որը գտնվում է Հայաստանի մայրաքաղաք Երևանում։ Այն հիմնադրվել է 2002 թվականին որպես Կովկասի մեդիա ինստիտուտ և 2008 թվականին վերանվանվել է Կովկասի ինստիտուտ՝ արտացոլելու իր գործունեության ընդլայնված շրջանակը։ Թեև մեր հիմնական ուշադրությունը կենտրոնացած է Հայաստանի վրա, մենք մեր աշխատանքը դիտարկում ենք տարածաշրջանային համատեքստում՝ ուսումնասիրելով և խթանելով խաղաղության ու ժողովրդավարական փոփոխությունների ուղիները Կովկասում։
Մեր գործունեությունը
Մեր թեմատիկ գործունեության շրջանակը ներառում է՝
- Հակամարտությունների կարգավորում և փոխակերպում
- Արտաքին քաղաքականություն և միջազգային հարաբերություններ
- Ազգաշինություն և ինստիտուտների ձևավորում
- Ներքին և տարածաշրջանային անվտանգություն
- Մեդիայի ազատություն և զարգացում
- Միգրացիա և փախստականներ
- Քաղաքական կողմնորոշումներ և եվրոպական ինտեգրում
- Տնտեսական միտումներ և քաղաքական տնտեսագիտություն
- Գենդերային հավասարություն և գենդերային մոտեցումների ինտեգրում
- Քաղաքական կուսակցություններ, գաղափարախոսություններ և պոպուլիզմ
Կովկասի ինստիտուտը շարունակաբար ընդլայնում է իր ուշադրության ոլորտները և յուրացնում հետազոտության, հանրային շահերի պաշտպանության (advocacy) և ներգրավվածության ժամանակակից մեթոդաբանությունները։
Դասական վերլուծական կենտրոնի գործունեությանը՝ հետազոտություններին և հանրային քաղաքականության խթանմանը զուգահեռ, Կովկասի ինստիտուտը կազմակերպում է քննարկումներ տարբեր ձևաչափերով՝ փակ փորձագիտական հանդիպումներից և միջազգային համաժողովներից մինչև ոչ պաշտոնական թեյախմություններ և երիտասարդների համար բանավեճի մրցույթներ։ Ինստիտուտի միջոցառումները գնահատվում են կարծիքների բազմազանության և չեզոք միջավայրում բաց երկխոսության հնարավորության համար։
Ինստիտուտի կրթական գործունեությունը ներառում է առցանց և առկա դասընթացներ, վերապատրաստումներ և սիմուլյացիոն խաղեր։ Մենք համատեղում ենք երկարաժամկետ կրթական ծրագրերը տարբեր թիրախային խմբերի՝ հետազոտողների, լրագրողների, քաղաքացիական հասարակության ներկայացուցիչների և պետական ծառայողների համար կազմակերպվող մեկանգամյա միջոցառումների հետ։
Կովկասի ինստիտուտը հրատարակում է գրքեր, հետազոտական աշխատություններ և քաղաքականության վերաբերյալ փաստաթղթեր անգլերեն, հայերեն և ռուսերեն լեզուներով՝ ինչպես առցանց, այնպես էլ տպագիր ձևաչափով՝ կախված թեմայից և թիրախային լսարանից։
Մեր խորհրդանշական միջոցառումը ամենամյա Կովկասյան համաժողովն է, որի ընթացքում տարածաշրջանի և դրա սահմաններից դուրս գործող առաջատար փորձագետները ամփոփում են Կովկասում նախորդ տարվա զարգացումները։ Համաժողովի արդյունքների հիման վրա հրատարակվում է Կովկասի ինստիտուտի նշանավոր հրապարակումը՝ «Կովկաս» տարեգիրքը։
Կովկասի ինստիտուտը սերտ կապեր է պահպանում զանգվածային լրատվամիջոցների հետ, և Հայաստանի առաջատար լրագրողներից շատերը մեր շրջանավարտների շարքում են։ Ինստիտուտի հետազոտողները պարբերաբար մեկնաբանում են ընթացիկ իրադարձությունները լրատվամիջոցներում և մասնակցում հանրային քննարկումների ու վերլուծական հաղորդումների։
Մեր առաքելությունը
Կովկասի ինստիտուտի առաքելությունն է նպաստել ներառական քաղաքականությունների մշակմանը և հանրային քաղաքականության վերաբերյալ բազմակարծիք ու տեղեկացված քննարկումների զարգացմանը։ Մենք օգնում ենք Հարավային Կովկասի հասարակություններին հասկանալ և քննարկել իրենց ապագային վերաբերող հարցերը, ինչպես նաև ներգրավվել քաղաքականությունների մշակման գործընթացում։
Մենք հավատում ենք, որ խաղաղ և ժողովրդավարական ապագան այն ապագան է, որը ձևավորվում է ազատ քննարկումների և գիտակցված ընտրության միջոցով։
